Текст: Жан Ахмадиев
ТОҚАЕВ КЕТ! Қазақпыз ғой-9
Prt-1
Шіріп біткен қу билік, құртып біттің ел ішін,
Айтыс тартыс күнде шу, таласқандар төр үшін.
Бейшара сорлы биліктің, көрген күні құрысын,
Шындық айтып шырылдап, жүрген жоқпын көр үшін.
Жасап болдың сатқындық, құлқыныңның күні үшін,
Жан-жағыңа шаштың кеп, қазағымның ырысын.
Тонап жатқан халықты, қарақшысың ұрысың,
Бүгін шалқып талтаңда, ертең қытай құлысың.
Жұрт қорғап жүр шырылдап, туған өлке шығысын,
Жырып берер ауыздан, Қытай ме еді туысың.
Тіл жоқ жерде құның жоқ, қор тышқанның інісің,
Қақпақ болсаң аузыма, тәуелсізбіз кім үшін?
Бас алдыңдар себепсіз, қан жағылған қылышың,
Әрең жүрген қазақтың, тар қылдыңдар тынысын.
Елді тонап байыған, қорқақ қасқыр жүнісің,
Қазынасы қазақтың, сендер емес біз үшін.
Қу билік ай Алаштың шықпай қалған үнісің,
Қазағым жүр қаңғырып, Мынау сенің жүрісің.
Қазақ үшін тұрмасаң, шибөрінің бірісің,
Әділетсіз биліктің, көзі мүлдем құрысын.
Қ-сы
Оян қазақ! Есіңді жи! Оян қазақ!
Prt-2
Күлтебеде жиын көп, билікқұмар сайқалдар
Елді қамап біттіңдер, шашы ағарған шайтандар
Заманауи жыраудың қаһарынан байқаңдар
Тағы айтамын қайталап, байқаңдаршы байқаңдар
Ұйқылы ояу жүрсіңдер дөкейсымақ қыртыңдар
Бастан балық шірісе, халық зарын кім тыңдар
Керек емес бұл билік, сабап соққан сыртыңнан
Керек емес өкімет, көздеріңді құртыңдар
Еркін қазақ есті жи, жасқанбаңдар жатпаңдар
Бабамыздан бұйырған, хас намысты сақтаңдар
Дулат ағам сенді ғой сол сенімді ақтаңдар
Дулаттай батыр ұлыңды аза тұтып жоқтаңдар!
Көтер қазақ басыңды
Жоқтатпайық батырды
Күресті ол біз үшін
Жан шыққанша ақырғы!
Аттан қазақ аттанда
Алып алаш ұлысың
Қолға найза ұста шап
Азат елдің туы үшін!!!